Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиядә йорт хайваннарына коронавирустан прививка ясый башладылар
Россиянең «Карнивак-Ков» вакцинасы — хайваннар өчен COVID-19 коронавирусына каршы дөньяда беренче һәм хәзерге вакытта бердәнбер теркәлгән препарат.
(Казан, 26 май, «Татар-информ»). Россия төбәкләрендә ветеринария клиникаларында йорт хайваннарына COVID-19 коронавирусыннан «Карнивак-Ков» вакцинасын ясый башладылар. Бу турыда Ветеринария һәм фитосанитар күзәтчелеге федераль хезмәтенең (Россельхознадзор) җитәкчесе киңәшчесе Юлия Мелано сүзләренә сылтама белән РИА Новости хәбәр итә.
«Россинең кайбер төбкәләрендә ветеринария клиникалары базасында йорт хайваннарына ковидтан прививка ясый башладылар. Кичә шәһәрләргә Россия галимнәре хайваннар арасында авыру очракларын булдырмау максатыннан эшләгән дөньяда бердәнбер „Карнивак-Ков“ вакцинациясенең беренче партиясе кайтты», — диде Мелано.
Вакцинацияне Россельхознадзор карамагындагы «Хайваннарның сәламәтлеген саклау федераль үзәге»ннән вакцина алган шәхси һәм дәүләт клиникалары үткәрә.
«Клиникалар актив гражданлык позициясе булган гражданнар, йорт хайваннары үрчетүчеләр, йорт хайваннары булган еш сәяхәт итүчеләр, шулай ук хайваннары иректә йөри торган гражданнар арасында вакцинация белән актив кызыксынуларын билгеләп үтә», — диде ведомство башлыгы киңәшчесе.
Россиянең «Карнивак-Ков» вакцинасы — хайваннар өчен COVID-19 коронавирусына каршы дөньяда беренче һәм хәзерге вакытта бердәнбер теркәлгән препарат. Хәзерге вакытта вакцинациядән соң иммунитетны саклау срогы ярты ел дип бәяләнә. Вакцинаны Россельхознадзор карамагындагы «Хайваннарның сәламәтлеген саклау федераль үзәге» ясаган.
Кызыклы яңалыкларны күзәтеп бару өчен Телеграм-каналга язылыгыз