Лениногорскида «Күңелләрдә Ислам нуры» бәйрәме булды
Чара Болгарда Ислам дине кабул итүнең 1100 еллыгына багышланды.
Скопировать ссылку
(Лениногорск, 26 март, «Татар-информ», «Заман сулышы»). Лениногорск Мәдәният сараенда «Күңелләрдә Ислам нуры» бәйрәм чарасы узды. Чара Болгарда Ислам дине кабул итүнең 1100 еллыгына багышланган иде.
Бәйрәм алдыннан фойеда татар сәнгате күргәзмәсе дә оештырылган иде. Анда шамаил, чиккән сөлге, бәйләнгән башмак, алмаз белән чигеп ясалган картиналар да бар иде.
Шулай ук, «Ак калфак» оешмасы, Балалар сәнгать мәктәбе укучыларының кул эшләре, ясаган рәсемнәре дә тәкъдим ителде.