Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Туган телләр елына багышланган иң зур чаралар Тукай һәм Пушкин туган көннәрдә була
Апрельдә татар теленнән халыкара олимпиада, «Иң яхшы татар теле һәм әдәбияты укытучысы» бөтенроссия бәйгесе узачак.
(Казан, 26 март, «Татар-информ», Марат Ишкильдин). Татарстанда Туган телләр һәм халыклар бердәмлеге елында олимпиадалардан алып флешмобларга кадәр киң күләмле чаралар планы әзерләнгән.
«Туган телләр һәм халыклар бердәмлеге елында чаралар саны гына түгел, ә халыкны, беренче чиратта, балаларны һәм укучыларны колачлау да арта. Иң зур чаралар 26 апрельдә, Габдулла Тукайның 135 еллыгы көнендә узачак», — диде ТР Милләтара һәм конфессияара мөнәсәбәт мәсьәләләре буенча ведомствоара эш төркеме утырышында Татарстан Мәгариф һәм фән министрлыгының милли мәгариф идарәсе җитәкчесе Лилия Әхмәтҗанова сөйләде.
Бу көнне Татарстан Мәдәният министрлыгы Габдулла Тукай һәйкәленә чәчәк салуны, шагыйрьнең юбилеена багышланган тантаналы чара, Татарстан дәүләт премиясен тапшыруны оештыра һәм әдәби-театр проектларын гамәлгә ашыра.
Апрельдә татар теленнән халыкара олимпиада, Россиянең яшь шагыйрьләре һәм язучылары арасында «Илһам» конкурсының зона этабы һәм «Иң яхшы татар теле һәм әдәбияты укытучысы» бөтенроссия конкурсы этабы узачак.
6 июньдә, Рус теле көнендә Александр Пушкин һәйкәленә чәчәкләр салуны оештыралар, шулай ук Рус теле көненә багышланган тантаналы чаралар һәм «Пушкин диктанты» халыкара акциясе узачак. Барлык мәгариф оешмаларында «Пушкинны укыйм» флешмобы оештырыла. 3-7 июньдә Татарстан Мәгариф һәм фән министрлыгы рус теленнән халыкара олимпиада үткәрә.
Татарстанда Туган телләр һәм халыклар бердәмлеге елында мәктәп укучыларының конференцияләре, республика районнары китапханәләрендә һәм кинотеатрларында чаралар планлаштырылган. «Иң киң күләмле чаралар Казан, Чаллы, Яшел Үзән, Түбән Кама, Алабуга шәһәрләрендә узачак», — диде Лилия Әхмәтҗанова.
Кызыклы яңалыкларны күзәтеп бару өчен Телеграм-каналга язылыгыз