Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төбәкләргә сәүдә үзәкләрендә күңел ачу чаралары үткәрмәскә тәкъдим ителде
Төнге клублар, кинотеатрлар, балалар уйный торган бүлмәләр һәм балалар өчен күңел ачу үзәкләре эшчәнлеген дә вакытлыча туктатып торырга киңәш ителә.
(Казан, 26 март, «Татар-информ»). Россия Хөкүмәте коронавирус инфекциясе таралу куркынычы аркасында төбәкләргә сәүдә үзәкләрендә күңел ачу чаралары үткәрмәскә, кинотеатрлар эшен туктатырга һәм җәмәгать урыннарында кальян тартуны тыярга тәкъдим итте. Бу хакта РИА Новости агентлыгы Министрлар Кабинеты сайтына сылтама белән хәбәр итә.
«Россия Федерациясе субъектлары башкарма хакимият органнарына РФ субъектлары территориясендә гражданнар катнашында ял, күңел ачу, мәдәни, физкультура, спорт, күргәзмә, агарту, реклама һәм башка шундый чаралар үткәрүне, шул исәптән мәдәният һәм ял паркларында, сәүдә-күңел ачу үзәкләрендә, аттракционнарда һәм кеше күп җыела торган башка урыннарда тиешле хезмәт күрсәтүне вакытлыча тыярга», - диелә хәбәрдә.
Моннан тыш, шундый хезмәтләр күрсәтү өчен билгеләнгән урыннар, шул исәптән төнге клублар, кинотеатрлар, балалар уйный торган бүлмәләр һәм балалар күңел ачу үзәкләре эшчәнлеген дә вакытлыча туктатып торырга киңәш ителә.
Кызыклы яңалыкларны күзәтеп бару өчен Телеграм-каналга язылыгыз