Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда май аенда Горно-Алтайскига авиарейслар яңартылачак
Очышлар сишәмбе һәм пәнҗешәмбе көннәрендә башкарылачак.
(Казан, 26 март, «Татар-информ»). Казаннан май аенда Горно-Алтайскига һәм кире юнәлештә авиарейслар яңартылачак. Бу хакта «ЮВТ АЭРО» матбугат хезмәте хәбәр итә.
Рейслар атнага ике тапкыр — сишәмбе һәм пәнҗешәмбе көннәрендә башкарылачак. Казаннан 6.50 сәгатьтә очып китү һәм Горно-Алтайскига 14.50 сәгатьтә барып җитү планлаштырылган. Кире юнәлештә — 15.30 сәгатьтә очып китеп, Татарстан башкаласына 15.50 сәгатьтә килеп җитү билгеләнгән.
«Һәр аэропорт өчен җирле вакыт күрсәтелгән», - дип искәртелә матбугат хезмәте хәбәрендә.
Пассажирларны 50 урынлы CRJ-200 һава судноларында йөртәчәкләр.
Кызыклы яңалыкларны күзәтеп бару өчен Телеграм-каналга язылыгыз