Төркиядән Ted Travel операторы клиентлары чыгарыла башлый

Туристлар кунакханәдә бер көнне үз хисапларына уздырачак.

(Казан, 25 август, «Татар-информ»). Бүген Төркиядән үз эшчәнлеген туктаткан Ted Travel туристлык операторы клиентлары чыгарыла башлый. Бу хакта Россия туризмы хезмәтенә сылтама белән ТАСС агентлыгы хәбәр итә. 

Туристлар кунакханәдә бер көнне үз хисапларына яшәячәк, соңрак аларга компенсация түләнә, диелә хәбәрдә. Исегезгә төшерәбез, 24 августта Ted Travel операторы, Төркиядә Коксаки вирусы таралу сәбәпле, үз эшчәнлеген туктатуын җиткерде.