2011 елда социаль ипотека программасы 1 сентябрьгә әзерләп бетерү зарур

(Казан, 25 июнь, «Татар-информ», Михаил Миронов). Дәүләт торак фонды тарафыннан 2011 ел торак төзелеше программасы 2010 елның 1 сентябренә раслануга тәкъдим ителергә тиеш. Бүген ТР Татарстан Президенты Рөстәм Миңнеханов Дәүләт торак фондына шундый йөкләмә бирде.
Дәүләт торак фондының башкаручы директоры Тәлгать Абдуллин социаль ипотека буенча торак төзелешенең 3 еллык программасына әзерләнү турында белдерде. Барлык муниципаль берәмлекләргә дә кирәкле документлар исемлеге күрсәтелгән хатлар җибәрелде. “Кичә муниципаль берәмлекләрдән беренче хатларны алдык. Киләсе атнада һәр объектны инженер инфраструктурасы, җир участогы мәсьәләләре буенча карап чыгачакбыз”, - дип белдерде Т.Абдуллин.
Бүген Татарстан Президенты Рөстәм Миңнеханов видеоконференциядә Әлмәттән телекүпер аша катнашты. Ул 3 еллык программаның якынча вариантын 1 июльгә әзерләүне йөкләде. Ә Дәүләт торак фондына 2011 елда торак төзелеше программасын проект-смета документлары белән 1 сентябрьгә кадәр әзерләргә кирәк. “Һәр ел саен без программаны вакытында кабул итәргә тырышабыз, әмма алай килеп чыкканы юк, - дип билгеләп үтте Татарстан башлыгы. - Әмма моны мәҗбүри рәвештә эшләргә кирәк”.