Татарстан прокуроры урынбасары Марат Долгов үз вазифасыннан китте

Агентлык мәгълүматлары буенча, Марат Долговның яңа эш урыны ТР Министрлар Кабинеты булачак.

(Казан, 25 май, «Татар-информ»). Татарстан прокуроры урынбасары Марат Долгов үз вазифасыннан китте. ТР прокурорының өлкән ярдәмчесе Руслан Галиев «Татар-информ» агентлыгына шул хакта хәбәр итте.

Бүген иртәнге киңәшмәдә республика прокуроры Илдус Нәфыйков Марат Долговның икенче эшкә күчәчәге турында белдерде.

Долгов урынына республика прокуроры урынбасары вазифасын кем биләячәге әлегә билгеле түгел. 

Агентлык мәгълүматлары буенча, Марат Долговның яңа эш урыны ТР Министрлар Кабинеты булачак.