Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә алты ил белән авиаэлемтә яңадан гамәлдә булачак
Карар Covid-19 коронавирусына каршы көрәш буенча оператив штаб утырышында кабул ителде.
(Казан, 25 март, «Татар-информ»). 1 апрельдән россиялеләр өчен тагын алты дәүләт — Германия, Венесуэла, Сирия, Таҗикстан, Үзбәкстан һәм Шри-Ланка белән рейслар ачыла. Бу хакта Covid-19 коронавирусына каршы көрәш буенча оператив штабка сылтама белән РИА Новости хәбәр итә.
Карар штаб утырышында кабул ителгән. Анда Россия вице-премьеры Татьяна Голикова һәм Россия Премьер-министры Михаил Мишустин катнаша. Авиаочыш үзара килешү нигезендә торгызыла, дип искәртелә.
«Аерым илләрдәге эпидемиологик вазгыятьне исәпкә алып һәм Хөкүмәт рәисе Михаил Мишустин белән килештереп, 2021 елның 1 апреленнән Венесуэла (атнага ике тапкыр Мәскәү-Каракас), Сирия (атнага бер тапкыр Мәскәү-Дамаск), Таҗикстан (атнага бер тапкыр Мәскәү-Дүшәмбе), Үзбәкстан (атнага бер тапкыр Мәскәү-Ташкент) һәм Шри-Ланка (атнага бер тапкыр Мәскәү-Коломбо) белән даими халыкара авиаэлемтәне яңадан торгызу турында карар кабул ителде», — диелә хәбәрдә.
Апрель аеннан башлап Мәскәү һәм Петербургтан Франкфурт-Майнага да китәргә мөмкин булачак. Шулай ук РФ башкаласыннан Берлинга рейслар ачыла.
Кызыклы яңалыкларны күзәтеп бару өчен Телеграм-каналга язылыгыз