Владимир Путин Кремльдә WorldSkills Russia җыелма командасын кабул итә

Абу-Дабида WorldSkills-2017 дөнья чемпионатында баллар буенча Россия җыелмасы гомуми команда зачетында беренче урынны алды.

(Казан, 24 октябрь, «Татар-информ»). Россия Президенты Владимир Путин Кремльдә WorldSkills Russia җыелма командасын кабул итә, дип хәбәр ителә Кремль сайтында.

Искәртеп узыйк, Абу-Дабида (Берләшкән Гарәп Әмирлекләре) WorldSkills-2017 44нче дөнья чемпионатында баллар буенча Россия җыелмасы гомуми команда зачетында беренче урынны алды. Шулай ук медаль саны буенча бишенче урынга лаек булды: 6 алтын, 4 көмеш, 1 бронза һәм “Осталык өчен” 21 медаль.

WorldSkills Russia җыелма командасы составына илнең 24 төбәгеннән 58 катнашучы һәм 52 эксперт керде. Команда чараның барлык 52 төр компетенция буенча ярышларында катнашты.