Чиләбе өлкәсендә башкорт мәдәнияте көннәре үтәчәк

Бу көннәрдә башкорт теле укытучылары өчен иҗади остаханәләр дә үткәреләчәк.

(Казан, 24 сентябрь, «Татар-информ»). 28 сентябрь-2 октябрь көннәрендә Чиләбе өлкәсендә башкорт мәдәнияте көннәре узачак.

«Башинформ» хәбәр итүенчә, Чиләбе өлкәсенә Уфадан зур делегация киләчәк. Очрашуларда төрле темаларга фикер алышулар үткәреләчәк. Аерым алганда, тарихи Ватаныннан читтә яшәүчеләрнең милли үзенчәлекләрен саклау; башкорт теле укытучылары өчен иҗади остаханә, гамәли характердагы мәдәни-агарту чаралары оештырылачак. Шулай ук башкорт милли биюләре, фольклор, вокал һәм курайда уйнау буенча мастер-класслар да үтәчәк.