"Урманчылар ишек ача" акциясе уздырылачак

(Казан, 24 август, "Татар-информ").  "Урманчылар ишек ача" - шундый исем астында узачак Урман хезмәткәрләре көненә багышланган акция сентябрь аенда Россиянең барлык урман хуҗалыкларында да узачак. Бу көннәрдә Татарстан урманчылары мәктәптә укучылар һәм балалар бакчасына йөрүче сабыйлар белән тематик очрашулар оештырачак һәм аларны урманчылыклардагы, урман хуҗалыкларындагы, янгын-химия станцияләрендәге, урман-орлыкчылык үзәкләрендәге хезмәткәрләрнең эше белән таныштырачаклар.

ТР Урман хуҗалыгы министрлыгы белгечләре Казанның югары уку йортларында лекцияләр белән чыгыш ясарга җыена, диелә министрлыкның матбугат хезмәте хәбәрендә..