Татарстанга килүчеләр Covid-19 булмавы турында белешмә белән изоляция узмаска мөмкин
Республикада коронавирус таралуны булдырмау буенча чараларга чираттагы төзәтмәләр кертелде.
(Казан, 24 май, «Татар-информ»). Татарстанда, әгәр үзләрендә яңа Covid-19 тибындагы коронавирус булмавын исбатлый алсалар, республикага килүчеләргә үз-үзләрен изоляцияләүгә китмәскә рөхсәт иттеләр.
«Татарстан Республикасында яңа коронавирус инфекциясе таралуны булдырмау чаралары турында»гы төбәк Министрлар Кабинеты карарына тиешле үзгәрешләр Татарстан Республикасы Премьер-министры Алексей Песошин тарафыннан кертелде.
Аерым алганда, «яңа коронавирус инфекциясеннән сәламәтләнгән затлар, медицина оешмаларының расланган документлары булганда» үз-үзләрен изоляцияләүгә китмәү хокукына ия булды.
Моннан тыш, Татарстанга килер алдыннан Россиянең башка төбәкләрендә ике атна обсервациядә булганнар үз-үзеңне изоляцияләүгә китмәячәк.
Моннан тыш, үз-үзеңне изоляцияләү таләбе хәзер коронавируска республикага килгәнче ике көн кала тискәре тест тапшыручыларга кагылмый.