Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Метшин Европа Советы Җирле хакимиятләре конгрессы комитетына сайланды
Казан мэры Актуаль мәсьәләләр буенча комитет утырышларының берсен Татарстан башкаласында уздырырга тәкъдим итте.
(Казан, 24 март, «Татар-информ»). Казан мэры Илсур Метшин янә Европа Советы Җирле һәм төбәк хакимиятләре конгрессының Актуаль мәсьәләләр буенча вице-рәисе итеп сайланды.
Илсур Метшин берничә актуаль теманы кузгатты. Аларның берсе — төрле мәдәният һәм халыклар вәкилләренең тату яшәве. 2018 елда ук Казанга килгән конгресс делегациясе мәдәни күптөрлелекне һәм мәдәниятара диалогны үстерү буенча җирле ысуллар һәм практикалар күп кенә Европа илләре өчен үрнәк булырга мөмкин булуын әйткән иде. Бу турыда Татарстан башкаласы мэриясенең матбугат хезмәте хәбәр итә.
Моннан тыш, мэр өстенлекле юнәлешләрнең берсе итеп җирле дәрәҗәдә көчле яшьләр сәясәтен атады. Аның фикеренчә, ул «демократиянең тотрыклылыгын тәэмин итүгә ачкыч» булып тора.
Чыгышын йомгаклап, Метшин Актуаль мәсьәләләр буенча комитет утырышларының берсен Казанда оештырырга тәкъдим итте. Моннан тыш, ул шәһәрнең Халыкара яшьләр форумында конгрессның яшь делегатларын кабул итәргә әзер булуын әйтте. Элегрәк чара коронавирус пандемиясе сәбәпле кичектерелгән иде.
Илсур Метшин Җирле һәм төбәк хакимиятләре конгрессының Актуаль мәсьәләләр буенча комитет рәисе урынбасары вазифасын 2016 елдан бирле били. Конгрессның 40нчы пленар сессиясендә комитет җитәкчелеге яңадан сайлады.
Кызыклы яңалыкларны күзәтеп бару өчен Телеграм-каналга язылыгыз