ТР Туризм комитетында коронавируска бәйле вазгыять аркасында кайнар элемтә ачылды

Татарстан туристларының юллама сатып алуга бәйле барлык сорауларына җавап бирәчәкләр.

(Казан, 24 март, «Татар-информ»). ТР Туризм буенча дәүләт комитетында Covid-19 коронавирус инфекциясенә бәйле вазгыять аркасында авиаэлемтәне чикләү һәм кайбер илләргә сәфәр кылу тыелуга бәйле рәвештә кайнар элемтә ачылды. Бу хакта комитетның матбугат хезмәте хәбәр итә.

Татарстан туристларының юллама сатып алуга бәйле барлык сорауларына җавап бирәчәкләр. Әлеге уңайдан Дәүләт комитеты белгечләреннән консультация алырга мөмкин.

Кайнар элемтә телефоны дүшәмбедән җомгага кадәр 9.00-18.00 сәгатьләрдә эшли: 8 (843) 222-90-31.

Моннан тыш, Туризм буенча федераль агентлык тарафыннан «Турпомощь» ассоциациясе белән берлектә оештырылган кайнар элемтә ачылды. 8 (499)678-12-03 телефоны – тәүлек әйләнәсе, 8-915-117-04-51 телефоны дүшәмбедән җомгага кадәр 10.00-19.00 сәгатьләрдә эшли.