Түбән Кама студентлары көненә 500 данә медицина битлеге тегәчәк

Соңыннан әлеге битлекләр Казанга җибәреләчәк, аннан ихтыяҗ зур булган урыннарга таратылачак.

(Казан, 24 март, «Татар-информ»).Түбән Кама күппрофильле көллияте студентлары көненә 500 данә медицина битлекләре тегәргә планлаштыра. Бу турыда Түбән Кама муниципаль районы рәсми сайтында хәбәр ителә.


Бу — республика Мәгариф һәм фән министрлыгы инициативасы. Тегүчеләр әзерли торган барлык уку йортларына практика кысаларында шундый эш тәкъдим иттеләр. Соңыннан әлеге битлекләр Казанга җибәреләчәк, аннан ихтыяҗ зур булган урыннарга таратылачак.