Әлмәттә туберкулез белән авыручылар күп

Күпләр флюорографияне сәламәтлек өчен зарарлы дип белә

  (Казан, 24 март, «Татар-информ»). Әлмәт районында туберкулезның актив формасы белән авыру диагнозы 177 кешегә куелган. Табиблар күпчелекнең медицина тикшерүен үз вакытында узмау сәбәпле авыруын әйтә. Күпләр флюорографияне сәламәтлек өчен зарарлы дип белә. Бу - ялгыш фикер. Аны елга бер тапкыр узарга кирәк. Ачык формалы туберкулез белән авыручы бер кеше ун-унике кешегә авыру йоктыра ала. Шуңа да сак булырга, табиблар кушканны үтәргә тырышырга кирәк, дип киңәш итә Әлмәт җирле басмасы.