Җәмгыять 24 февраль 2022 10:16

Россиянең көньягында 12 аэропорт вакытлыча ябылды

Рейслары якын арага билгеләнгән пассажирларга әлеге шәһәрләрнең аэропортларына (бу исемлеккә Ростов-Дон, Краснодар һәм Симферополь керә) килмәүләрен сорыйлар.

Скопировать ссылку

(Казан, 24 февраль, «Татар-информ»). Украинага бәйле вазгыять катлаулану сәбәпле, Россиянең көньягында 12 аэропорт эшен вакытлыча туктаткан.

Росавиациядән хәбәр итүләренчә, чикләүләр 2 мартка — Мәскәү вакыты белән 03.45 сәгатькә кадәр гамәлдә булачак. Бу хакта ТАСС агентлыгы яза.

Рейслары якын арага билгеләнгән пассажирларга әлеге шәһәрләрнең аэропортларына (бу исемлеккә Ростов-Дон, Краснодар һәм Симферополь керә) килмәүләрен сорыйлар, дип искәрттеләр Росавиациядә.

Шереметьево аэропортыннан илнең көньягына уннан артык авиарейс кичектерелгән. Сочи аэропортында биш авиарейс тоткарланган. Шулай да әлеге аэропорт һава судноларын кабул итә һәм озата, чөнки очышларны вакытлыча туктатып тору аңа кагылмаган.

«Азимут» авиакомпаниясе 24 февральгә билгеләнгән 11 рейсны кичектергән.

«Татар-информ» агентлыгы Россиянең бүгеннән Беларусь һәм Украина белән көнбатыш чикләрендә пассажир самолетлары өчен һава киңлеген ябуы турында элегрәк хәбәр иткән иде.

Сәхифәләр

Россиянең көньягында 12 аэропорт вакытлыча ябылды