Казанның Кремль яр буенда татарча сүзләр язылган яңа мурал барлыкка килде

Диварга Мансур Шиһапов шигыреннән юллар төшерелгән.

(Казан, 23 октябрь, «Татар-информ»). Казанда Кремль яр буеның яңа өлешендә леттеринг стилендә мурал ясаганнар. Ул татар һәм рус телләрендәге язулардан гыйбарәт.

Казан мэриясе хәбәр иткәнчә, леттеринг (хәрефләр ясау сәнгате — ред. иск.) Хрущев авышлыгы диварына төшерелгән. Бер яктан, татар телендә Мансур Шиһапов шигыреннән юллар төшерелгән, икенче яктан — аларның рус теленә тәрҗемәсе.

Мурал Orchestra бюросы архитекторлары эшләгән территорияне төзекләндерү концепциясе кысаларында ясалган, дип хәбәр иттеләр шәһәрнең Тышкы төзекләндерү комитеты матбугат хезмәтендә.