Апаста сугыш ветеранына кәрәзле телефон тапшырылды
Район башлыгы сугыш ветераннарына яңа кәрәзле телефоннарны шәхсән үзе тапшырачак.
Скопировать ссылку
(Апас, 23 август, «Татар-информ», «Апастово-информ», Ландыш Гайнуллина). Апас районы башлыгы Равил Хисаметдинов һәр сугыш ветеранына кәрәзле телефонны шәхсән үзе тапшырачак. Бу турыда район басмасы хәбәр итә.
Алар файдаланыр өчен бик җайлы, хәрефләре дә, цифрлары да өлкән буын өчен бик уңайлы көйләнгән. Бүген бүләк Апаста гомер итүче Мөхәммәтхамис бабай Хисаметдиновка тапшырылды.
«Зурлап килүегез, онытмавыгыз, бүләгегез өчен олы рәхмәт. Эшегездә барыгызга да уңышлар телим», — диде 94 яшьлек ветеран.