Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Өч елдан соң татарстанлыларның уртача гомер озынлыгы 74 яшь ярымга җитәчәк
Республикада гомер озынлыгының үсеш динамикасы Идел буе федераль округы һәм Россиядәгегә караганда югарырак.
(Казан, 23 март, «Татар-информ», Наталья Рыбакова). Ун ел эчендә Россиядә уртача гомер озынлыгы якынча 4,5 елга арткан. Республикада үсеш динамикасы Идел буе федераль округы һәм Россиядәгегә караганда югарырак.
Бүген ТР Дәүләт Советы Рәисе урынбасары Татьяна Ларионова «Бердәм Россия» партиясенең төбәк иҗтимагый кабул итү бүлмәсе Instagram-аккаунтындагы туры эфир вакытында шул хакта хәбәр итте.
«Без барыбыз да республика халкы тормышының гомуми статистикасында өлкән яшьтәге гражданнар саны динамик рәвештә артуын күрәбез. 2024 елда Татарстан халкының уртача гомер озынлыгы 74 яшь ярымга җитәчәк. Бу — сизелерлек күрсәткеч», — дип искәртте ул.
Спикер билгеләп үткәнчә, социаль яклау хезмәте һәм ТР Сәламәтлек саклау министрлыгы гына түгел, халык үзе дә әлеге күрсәткечкә омтылырга тиеш. Татарстанда өлкән һәм эшкә сәләтле яшьтәге 952 меңгә якын, шулай ук инвалидлыкка ия 290 мең кеше исәпләнә.
Элегрәк Татарстанның сәламәт һәм бәхетле тормыш күрсәткече буенча Россиянең алдынгы төбәкләре арасына керүе хакында хәбәр ителгән иде.
Кызыклы яңалыкларны күзәтеп бару өчен Телеграм-каналга язылыгыз