Балык Бистәсе егетләре бәйгедә көч сынашты

(Балык Бистәсе, 23 февраль, «Татар-информ», «Авыл офыклары»). Балык Бистәсе мәдәният йортында 23 февраль — Ватанны саклаучылар көненә багышланган бәйрәм чарасы булып узды.

Ул хәрби-патриотик теманы үз эченә алган бәйге рәвешендә үткәрелде.

«Сабыгаз» идарәсенең «Р. Слободская РГЭС» коллективыннан, район мәгариф бүлеге, «Форпост» егетләренең үзара көч сынашуы залдагы җанатар-тамашачыларның көчле алкышлары белән барды.

«Афәрин, егетләр!» дип аталган бәйгенең исеменнән үк күренгәнчә, командаларның һәркайсы җитезлектә, тапкырлыкта, осталыкта ярышты.