Рөстәм Нигъмәтуллин: Чикләребезнең ышанычлы саклануы белән горурланабыз
Казанның Җиңү паркында Мәңгелек ут янына чәчәкләр салдылар.
(Казан, 23 февраль, «Татар-информ», Эльвира Зайнулина). Казанның Җиңү паркында Мәңгелек ут янына чәчәкләр салдылар. Сугышчыларны искә алырга Татарстан Премьер-министрының беренче урынбасары Рөстәм Нигъмәтуллин һәм Башкарма комитет җитәкчесенең беренче урынбасары Рөстәм Гафаров килде.
«Һәлак булган ветераннар искә аласым килә, хәрби хезмәт үтүче солдатларны, офицерларны, запастагы кешеләрне котлыйсым килә. Совет Армиясе, Кызыл армия һәм Россия Кораллы көчләре һәрвакыт Ватанны саклый. Без егетләребезнең хезмәт итүе белән горурланабыз, ә чикләр ышанычлы якланган», — диде Рөстәм Нигъмәтуллин.
Сугышчылар һәм һәлак булучылар истәлегенә яшьләр оешмалары, «Җиңү волонтерлары», студентлар отрядлары, ирекле халык дружиналары, яшь армиячеләр, шулай ук балалар белән гаиләләр дә килгән иде.
