Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Спас районында социаль такси барлыкка киләчәк
Проект пациентларны хастаханәгә һәм Казанның башка медицина учреждениеләренә «подъезддан алып подъездга кадәр» принцибы буенча бушлай китерергә мөмкинлек бирәчәк.
(Казан, 23 гыйнвар, «Татар-информ»). Спас районының Свято-Авраамиевский храмы Президент грантлары фонды конкурсында җиңде. Яңа проект нигезендә, социаль транспорт хезмәтләреннән аз тәэмин ителгән һәм Казан хастаханәләрендә дәвалануга мохтаҗ кешеләр дә файдалана алачак.
Проект җитәкчесе — протоиерей Алексий Әхмәтҗанов сөйләвенчә, идея руханилар бер өлкән яшьтәге хатын-кызның проблемалары турында белгәннән соң туган. Спас районында андый кешеләр аз түгел. Күпләр җитди авыруга шикләнгән очракта да тулы медицина тикшеренүе үтәргә теләми. Алар дәваланырга акча җитмәс дип курка. Бу хакта «Новая жизнь» газетасы яза.
Социаль такси бәлагә юлыккан кешеләргә юл бәясен янга калдырырга ярдәм итәчәк. Февральдән башлап грант ярдәме белән Казан хастаханәсенә атна саен өч-дүрт пассажир өчен ике бушлай рейс ясаячаклар. Социаль такси сигез ай дәвамында эшләячәк.
Пассажирларны районның социаль яклау бүлеге һәм элек хезмәттәшлек турында килешү төзелгән хастаханәләр ярдәме белән җыячаклар.
Кызыклы яңалыкларны күзәтеп бару өчен Телеграм-каналга язылыгыз