Әлки районында боз астыннан балык тоту бәйгесе үткәреләчәк

Балык тотканда алар арасындагы ара 5 метрдан да ким булмаска тиеш.

(Әлки, 23 гыйнвар, «Татар-информ», «Әлки хәбәрләре»). 25 гыйнварда Базарлы Матак буасында боз астыннан балык тоту бәйгесе үткәрелә. Оештыручылар анда катнашучыларның буага сәгать 9 га җыелуын сорый. Бу турыда район басмасы хәбәр итә.

Ачык бәйгедә теләге булган һәркем катнаша ала. Елдагыча, иң күп балык тотучы, балыкны беренче каптыручы, иң яшь һәм иң тәҗрибәле балыкчылар бүләкләр белән билгеләп үтеләчәк.

Катнашучылар балык каптыру өчен теләсә нинди җим куллана ала. Балык тотканда алар арасындагы ара 5 метрдан да ким булмаска тиеш.