Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төмән татарлары «Түгәрәк уен» фестивален онлайн үткәрәчәк
Фестивальнең мәҗбүри шарты - җирле традициянең этнографик, диалектлы һәм стиль үзенчәлекләрен саклап, чын мәгънәсендә фольклор үрнәкләрен күрсәтү.
(Казан, 22 ноябрь, «Татар-информ»). 12 декабрьдә Төмән татарлары «Түгәрәк уен» IX өлкә татар фольклор фестивален онлайн үткәрәчәк. Бу хакта Бөтендөнья татар конгрессы матбугат хезмәте хәбәр итә.
Фестиваль татар мәдәниятен популярлаштырырга һәм балаларны милли кыйммәтләргә җәлеп итәргә ярдәм итәчәк. Катнашучылар җырлаячак, лиро-эпик әсәрләр укыячак, бииячәк, уен коралларында уйнаячак һәм әкиятләрне сәхнәләштерәчәк.
Катнашучыларның барлык чыгышлары да чын материалларга: музей коллекцияләренә, легендаларга һәм риваятьләргә нигезләнгән. «Фестивальнең мәҗбүри шарты - җирле традициянең этнографик, диалектлы һәм стиль үзенчәлекләрен саклап, чын мәгънәсендә фольклор үрнәкләрен күрсәтү», - дип сөйләде оештыручылар.
Беренче сайлап алу ел башында Төмән өлкәсендә Татар мәдәнияте көннәре кысаларында узды. Хәзер алар чыгышлар белән роликлар әзерли. Фестивальдә җиңүчеләр Төмән өлкәсен бөтенроссия дәрәҗәсендә тәкъдим итәчәк.
Кызыклы яңалыкларны күзәтеп бару өчен Телеграм-каналга язылыгыз