Түбән Камада волонтерлар песиләр һәм этләргә хуҗалар эзләү буенча сайт ачкан

Мэрия фойесында йортсыз хайваннар өчен хуҗалар табу турында игъланнар күргәзмәсе ачыла.
(Казан, 22 ноябрь, «Татар-информ»). Түбән Кама хакимияте Индустриаль урамы тирәсендә приют өчен җир участогы бүлеп бирү мәсьәләсен карый, волонтерлар песиләр һәм этләр өчен хуҗалар эзләү буенча сайт ачты. Бу турыда Түбән Кама муниципаль районы рәсми сайтында хәбәр ителә.Элегрәк Айдар Метшин шәһәрдә дәүләт-шәхси партнерлык нигезендә хайваннарны реабилитацияләү үзәген төзергә планлаштырулары хакында хәбәр итте.«Без кешеләрнең хайваннарга мөнәсәбәтен тәрбияләүнең һәм вакытлыча хуҗасыз хайваннарны реабилитацияләүнең яңа культурасын үз эченә алган зур комплекслы программа әзерлибез, - диде Түбән Кама мэры.Ул Россиянең башка төбәкләрендә дә тәҗрибә өйрәнүләрен сөйләде.Бөтен җирдә хәл төрле, уңай мисаллар да бар, тискәре яклары да бар. Бу мәсьәлә белән дә шөгыльләнергә вакыт җиткәнен төгәл аңлап эшкә тотынганнар.