Чирмешән районында Туймәт әбиләре яңгыр сорап дога кылган

Туймәт авылында, әрәмәлектә, «Яңгыр теләге» оештырдылар.

(Чирмешән, 22 май, «Татар-информ», «Безнең Чирмешән», Кадрия Гамирова). Чирмешән районында Туймәт авылында, әрәмәлектә, «Яңгыр теләге» оештырдылар. Анда әбиләр Ходайдан яңгыр сораган

Май башыннан ук көннәр кызу тору һәм яңгырлар булмау сәбәпле, туфракта дым нык кимеде, чәчкән орлыклар да бик авыр шыта. Сабантуй мәйдәнында узган чарага, олылар белән бергә, яшьрәкләр дә кушылган.

Утызлап кеше яңгыр теләп дога кылган. Аннары алар намаз, Коръән аятьләре, ясин укыган. Чара ахырында үзләре әзерләп килгән тәм-томнар белән чәй эчкәннәр.