Җәмгыять 22 апрель 2021 07:38

Мәктәп укучыларын һәм студентларны «Җиңү хаты» проектына кушылырга чакыралар

Чарада катнашу өчен #ПисьмоПобеды хештегы белән хат язарга кирәк.

Скопировать ссылку

(Казан, 22 апрель, «Татар-информ»). Россия Мәгариф министрлыгы укучыларны һәм студентларны «Җиңү хаты» акциясендә катнашырга чакыра.

Татарстан Мәгариф һәм фән министрлыгы хәбәр иткәнчә, ветераннарны котлауны һәм аларга рәхмәт сүзләрен Россия, якын һәм ерак чит илләрдә яшәүче һәркем яза ала. Моның өчен социаль челтәрләрдә #ПисьмоПобеды хештегы белән хат урнаштырырга яки аны pismo@vsezapobedu.com проектының электрон почтасына җибәрергә кирәк.

Барлык хатлар модерация узачак, аннары махсус бланкларда бастырылачак һәм ветераннарга Җиңү волонтерлары тарафыннан тапшырыла.

Акция 2021 ел дәвамында дәвам итә. Проект сайтында 100 яшь тула торган ветераннарның фотосурәтләре төшерелгән баннерлар урнаштырыла һәм аларга шәхси котлаулар җибәрергә мөмкин була.

Сәхифәләр

Мәктәп укучыларын һәм студентларны «Җиңү хаты» проектына кушылырга чакыралар