Татарстанда сәүдә нокталары кичке сәгать унга кадәр эшләячәк
Даруханәләр генә тәүлек әйләнәсендә эшли.
(Казан, 22 апрель, «Татар-информ», Екатерина Ларионова). Татарстанда сәүдә нокталарының эш вакытын чикләделәр. Тиешле карар Татарстан Министрлар Кабинеты сайтында бастырылган.
«2020 елның 23 апреленнән башлап санитар-эпидемиологик хәл яхшырганчыга кадәр ваклап сату объектларының эшен 22.00 сәгатьтән 6.00 сәгатькә кадәр чикләргә, бирегә аптекалар һәм аптека пунклары керми», — диелә документта.
Республикада барлыгы 17 меңнән артык ваклап сату предприятиесе, шул исәптән вакытлыча чикләүгә кагылмый торган даруханәләр һәм даруханә пунктлары бар. Бу хакта Татарстан Президенты матбугат хезмәте җитәкчесе Лилия Галимова атна саен үткәрелә торган брифингта хәбәр итте.
Элегрәк «Татар-информ» мәгълүмат агентлыгы хәбәр иткәнчә, 23 апрельдән Татарстанга Россиянең башка төбәкләреннән килгән (кайткан) барлык кешеләр ике атналык үз-үзеңне изоляцияләү карантины узарга тиеш.