Бүген Аракчино – Югары Ослан боз кичүе ябыла

Бу көннәр җылыну белән бәйле.

Скопировать ссылку

(Казан, 22 март, «Татар-информ»). Бүген Аракчино — Югары Ослан боз кичүе ябыла.

Ул 8:00 сәгатьтә эшләүдән туктаячак, дип хәбәр итә Киров һәм Мәскәү районнары администрациясе матбугат хезмәте.

Боз кичүе ябылуы көннәр җылыну белән бәйле. Бүген Казанда синоптиклар +5 градуска кадәр температура булыр дип фаразлый.

Идел аша боз кичүе ел башында ачылды. Кичүнең гомуми озынлыгы 3200 метр тәшкил итә. Бу юл Аракчино белән Югары Ослан арасын 60 километрга кыскарта.