Иртәгә Татарстанда буран булачак
Синоптиклар һава торышы начарлану турында кисәтә.
Скопировать ссылку
(Казан, 22 март, «Татар-информ»). Иртәгә, 23 мартта, республика территориясендә һава шартларының начараюы көтелә. Бу хакта Татарстан Гидрометеорология үзәге кисәтә.
Төнлә һәм көндез юлларда бозлавык була.
Татарстанда иртән һәм көндез төньяк-көнчыгыштан көчле җил булачак, аның тизлеге секундына 15-20 метрга кадәр көчәячәк. Казанда шулай ук көчле җил фаразлана.
Моннан тыш, Татарстанның аерым районнарында буран һәм бозлавык булачак.