Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
30 октябрьдән 7 ноябрьгә кадәрге чорда социаль оешмалар гадәти режимда эшләячәк
РФ Президенты Владимир Путин 30 октябрьдән 7 ноябрьгә кадәрге чорны Россиянең барлык төбәкләрендә дә хезмәткәрнең эш хакын саклаган хәлдә ял көннәре дип игълан итүе турындагы указны имзалады.
(Казан, 21 октябрь, «Татар-информ», Наталья Рыбакова). Ял көннәре дип игълан ителгән 30 октябрьдән 7 ноябрьгә кадәрге чорда ТР Хезмәт, халыкны эш белән тәэмин итү һәм социаль яклау министрлыгының территориаль органнары гадәти режимда эшләячәк. Бу хакта «Татар-информ» агентлыгына ведомствоның матбугат хезмәтеннән хәбәр иттеләр.
«ТР Хезмәт, халыкны эш белән тәэмин итү һәм социаль яклау министрлыгының территориаль органнары һәм аның карамагындагы учреждениеләр санитар-эпидемиология таләпләрен үтәп гадәти режимда эшләячәк», - дип искәртте ТР Хезмәт, халыкны эш белән тәэмин итү һәм социаль яклау министрлыгының матбугат секретаре Рафаил Гыйниятуллин.
«Татар-информ» агентлыгы элегрәк хәбәр иткәнчә, РФ Президенты Владимир Путин 30 октябрьдән 7 ноябрьгә кадәрге чорны Россиянең барлык төбәкләрендә дә хезмәткәрнең эш хакын саклаган хәлдә ял көннәре дип игълан итүе турындагы указны имзалады. Шул ук вакытта, эпидемиологик вазгыять катлаулы булган төбәкләр мондый көннәрне алданрак кертү турындагы карарны мөстәкыйль рәвештә кабул итә ала.
30 октябрьдән 7 ноябрьгә кадәрге чорда Татарстанда өзлексез циклдагы предприятие һәм оешмалар, эшчәнлекне тәэмин итүче предприятие һәм оешмалар, дәүләт һәм муниципаль хакимият органнары, күп функцияле үзәкләр һәм белем бирү учреждениеләре санитар-эпидемиологик таләпләрне катгый рәвештә үтәп эшләвен дәвам итәчәк.
Кызыклы яңалыкларны күзәтеп бару өчен Телеграм-каналга язылыгыз