Балтач егете «ТАССРның 100 еллыгы»на торт пешергән
8а сыйныф укучысы Азат Батыршин торт пешереп, өченче урын яулады.
(Балтач, 21 март, «Татар-информ», «Хезмәт даны», Гөлзидә Газизуллина). Бу көннәрдә WorldSkills Junior-2020 чемпионатының Балтачта район этабы узды. Укучылар төрле компетенцияләрдә үзләрен сыный. Егетләр торт пешереп карады. Бу турыда район басмасы хәбәр итә.
Мисал өчен, WorldSkills Junior-2020 чемпионатының район этабында «Пешекче-кондитер» компетенциясендә Балтач урта мәктәбенең 8а сыйныф укучысы Азат Батыршин «ТАССРның 100 еллыгы» исемендәге торт пешереп, өченче урын яулады.
Чемпионатның икенче көнендә үк Азат Теләчедә узган «Созвездие-Йолдызлык» фестиваленең зона этабында конферанс номинациясендә чыгыш ясап, икенче урын яулады.