Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Андрей Кузьмин «Татарстан 24» телеканалына җитәкче итеп билгеләнде
Татарстанның иң зур челтәрле телеканалы татар телендә телетапшырулар оештырачак.
(Казан, 21 гыйнвар, «Татар-информ»). Танылган тележурналист һәм алып баручы Андрей Кузьмин бүген «Татарстан 24» телеканалы коллективына җитәкче сыйфатында тәкъдим ителде. Татарстанның иң зур челтәрле телеканалы татар телендә телетапшырулар оештырачак. Бу хакта «Татар-информ»га «Татмедиа» АҖ генераль директоры Шамил Садыйков хәбәр итте.
«Минемчә, бу кадрлар карары телеканал позициясен җитди көчәйтәчәк. Андрей Кузьмин — Татарстанда танылган журналист, телевидениедә эшләү тәҗрибәсе зур булган кеше. Үз вакытында ул „Татарстан 24“ телеканалын булдыру өчен күп көч куйды», — диде Садыйков.
Генераль директор сүзләренчә, Андрей Кузьмин алдына контентны сыйфатлы яңарту, шул исәптән татар телендә телепрограммалар чыгара башлау бурычы куелган.
«Телеканалга яңарырга, мәгълүмат бирүнең яңа формаларын эзләргә, яңа телетапшырулар булдырырга, яңа проектлар эшләтеп җибәрергә кирәк. Безнең өчен Туган телләр елында „Татарстан 24“ нең татар телендә тапшыру хокукы алуы бик мөһим. Шуңа күрә телеканалның төп бурычы — бу юнәлештә эшне көчәйтү, татар телендә программалар чыгару», — дип искәртте Садыйков.
«Татарстан-24» телеканалы 2016 елда KZN дәүләт телеканалы һәм «Эфир-24» шәхси каналы базасында оештырылган иде. Телеканалның тапшырулар нигезен һәр сәгать башында яңалыклар чыгару тәшкил итә.
Телеканалны яңалыклар контенты белән Татарстан районнарында оештырылган «Татмедиа» АҖ телекомпанияләре тәэмин итә. «Татарстан-24» телеканалының яңалыклар хезмәте көннең тулы картинасын тудыра — республикада, илдә барган хәлләрне күзәтеп тора һәм бу хакта беренче булып тамашачыга хәбәр итә.
Кызыклы яңалыкларны күзәтеп бару өчен Телеграм-каналга язылыгыз