Питрәч авылының балалар шәһәрчегендә ремонт 85 процентка төгәлләнгән
Хәзер төзүчеләр сәхнә һәм амфитеатрлар урнаштыра.
Скопировать ссылку
(Питрәч, 20 октябрь, «Татар-информ», «Питрәч-информ», Люция Сираҗиева). Питрәчтә балалар шәһәрчеген реконструкцияләү дәвам итә. Биредә эшләр 85 процентка төгәлләнгән.
Җир эшләре төгәлләгән: ял итү зонасына газон, уен зонасына ком, төп юлга брусчатка җәелгән. Фонтан да ясалган. Спорт мәйданчыгында җиһазлар урнаштырылган, хәзер төзүчеләр сәхнә һәм амфитеатр кую белән мәшгуль.
Шулай итеп, беренче чират эшләре тиздән тәмамланачак. Алга таба киләсе елда күрше спорт мәйданчыгын яңарту планлаштырыла.