Казанда түләүсез юридик хезмәт күрсәтәчәкләр

Әлеге хезмәтне ТР Юстиция министрлыгы 2019 елның 26 сентябрендә якынлашып килүче Өлкәннәр көне уңаеннан күрсәтәчәк.

(Казан, 20 сентябрь, «Татар-информ»). Казанда түләүсез юридик хезмәт күрсәтәчәкләр. Бу хакта Татарстан Диния нәзарәте сайтында хәбәр ителә.

Әлеге хезмәтне ТР Юстиция министрлыгы 2019 елның 26 сентябрендә якынлашып килүче Өлкәннәр көне уңаеннан күрсәтәчәк. Чара Казанда Копылов урамы 2а йорты адресы буенча урнашкан Ленин исемендәге мәдәни күңел ачу комплексында узачак.