Татарстанда 23 градуска кадәр җылытачак

  (Казан, 20 август, «Татар-информ»). Иртәгә, 21 августта, Татарстан Республикасында алмашынучан болытлы һава көтелә. Синоптиклар явым-төшем фаразламый. Төньяк-көнбатыштан, төньяктан салмак җил.

Төнлә Татарстанда 4-9 градус җылы тәшкил итәчәк һәм көндез – 18-23 градус, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Казанда алмашынучан болытлы һава, явым-төшем юк. Синоптиклар көндез 20-23 градус җылы, ә төнлә – 6-9 градус, дип фаразлый.