Татарстанда салкынча яңгырлы һава торышы саклана
Республика буенча көндезге сәгатьләрдә термометр баганалары 13 градустан югарырак күтәрелмәячәк.
Скопировать ссылку
(Казан, 20 май, «Татар-информ»). Бүген, 20 майда, төньяк-көнбатыштан килгән циклон йогынтысында Татарстанда болытлы һәм дымлы һава торышы күзәтелә. Бу хакта ТР Гидрометеорология үзәге хәбәр итә.
Республикада көндез яңгырлар явачак, урыны белән көчле яңгыр фаразлана. Моннан тыш, кайбер урыннарда көнбатыш һәм төньяк-көнбатыштан уртача җил көчәячәк, бу хакта элегрәк «Татар-информ» хәбәр иткән иде.
Һава +8, +13 градуска кадәр җылыначак.