Җәмгыять 20 февраль 2020 09:25

Казан егетләрен контракт буенча хәрби хезмәткә сайлап алу пунктына чакыралар

Танк училищесы территориясендә «Россия Федерациясе Кораллы Көчләрендә контракт буенча хәрби хезмәт – Синең сайлау!» дигән акция узачак.

Скопировать ссылку

(Казан, 20 февраль, «Татар-информ»). Шимбә көнне, 22 февральдә, теләгән һәркем РФ Кораллы Көчләрендә контракт буенча хезмәт итү һәм Казан югары танк училищесына керү өчен сайлап алу пунктына килә ала. Югары уку йорты территориясендә «Россия Федерациясе Кораллы Көчләрендә контракт буенча хәрби хезмәт – Синең сайлау!» дигән акция узачак. Бу хакта оештыручылар хәбәр итә.

Акциядә катнашучыларны тарихи һәм заманча хәрби техника урын алган күргәзмә, кыр кухнясы көтә. Программада шулай ук хәрби киемнәр күрсәтү, танк һәм автомобиль техникасында өйрәнүләр үткәрү, тирда мылтыктан һәм ПМ пистолетыннан ату кебек чаралар каралган.

11.00 сәгатьтә казанлылар танкодромда «внедорожник»лар катнашындагы «Кышкы марафон» беренчелеге этабын тамаша кыла алачак.

Акция 10.00 сәгатьтән 14.00 сәгатькә кадәр дәвам итәчәк, керү ирекле.

#хәрби хезмәткә чакырылучылар #армия #солдат #Хәрби чакырылыш

Сәхифәләр

Казан егетләрен контракт буенча хәрби хезмәткә сайлап алу пунктына чакыралар