Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Игорь Комаров Минтимер Шәймиевне юбилее белән котлады
Игорь Комаров билгеләп үткәнчә, Шәймиев – тәҗрибәле һәм эшлекле кеше, аның Татарстанның тарихи мирасын кайтарудагы эшчәнлеге республика үсешендә гаять зур әһәмияткә ия.
(Казан, 20 гыйнвар, «Татар-информ»). РФ Президентының Идел буе федераль округындагы вәкаләтле вәкиле Игорь Комаров Татарстанның беренче Президенты Минтимер Шәймиевне 85 яшьлек юбилее белән тәбрик итте.
«Сез – иң ихтирамга лаек һәм абруйлы кешеләрнең берсе, бөтен эшчәнлегегез Россиянең бердәмлеген һәм куәтен ныгытуга юнәлдерелгән зирәк дәүләт эшлеклесе. Сез дөрес, конструктив карарлар тәкъдим итеп һәм традицияләр, әхлакый ориентирларны саклап, бөтен гомерегезне Ватанга һәм кешеләргә хезмәт итүгә багышладыгыз. Бүгенге Татарстанның шундый икътисади куәткә, фәнни һәм технологик казанышларга, милли һәм дини мөнәсәбәтләр гармониясенә ирешүендә Сезнең хезмәтегез бик зур», - диелә котлау текстында.
Игорь Комаров билгеләп үткәнчә, Шәймиев – тәҗрибәле һәм эшлекле кеше, аның Татарстанның тарихи мирасын кайтарудагы эшчәнлеге республика үсешендә гаять зур әһәмияткә ия, Россия һәм аның күпмилләтле халкы шуның белән көчле дә.
Вәкаләтле вәкил Минтимер Шәймиевкә кешеләрне һәрвакыт изге эшләргә рухландыруын, шулай ук сәламәтлек, бәхет һәм энергиясе ташып торуын теләде.
Кызыклы яңалыкларны күзәтеп бару өчен Телеграм-каналга язылыгыз