Җәмгыять 19 декабрь 2007 14:36

2007 елның 1 декабренә кадәр Татарстанда янгыннар нәтиҗәсендә 204 кеше һәлак булган

Скопировать ссылку

(Казан, 19 декабрь, “Татар-информ”, Гөлнар Гаттарова). Узган ел белән чагыштырганда, быел 1 декабрьгә булган мәгълүматлардан күренгәнчә, республикада янгыннар 2 процентка кимеп, 3327 не тәшкил итә. Бу хакта бүген ТР “Татмедиа” гаммәви коммуникацияләр агентлыгында журналистларга Татарстанның янгын күзәтчелеге буенча баш дәүләт инспекторы, эчке хезмәт полковнигы Таһир Кәримуллин хәбәр итте.

1 декабрьгә янгыннар нәтиҗәсендә 204 кеше һәлак булган, узган елгы күрсәткеч белән чагыштырганда, 1 процентка арту күзәтелә. “Шунысы сөенечле: быел янгыннарда гомере өзелгән балалар саны ике тапкырга диярлек кимрәк. Барлыгы янгыннарда Татарстан буенча алты баланың гомере киселде”, - ди Таһир әфәнде.

Әмма узган атна ахырында җомга көнне Фучик урамында тагын бер фаҗига килеп чыга. Һәлак булган дүрт кеше арасында бер бала да булган.

Сәхифәләр

2007 елның 1 декабренә кадәр Татарстанда янгыннар нәтиҗәсендә 204 кеше һәлак булган