Эшмәкәрләр QR-кодлар кертү мәсьәләләре буенча кайнар линиягә мөрәҗәгать итә ала

Эшмәкәрләрнең сорауларына Татарстан Республикасының Эшкуарлыкка ярдәм фонды белгечләре җавап бирә.

(Казан, 19 октябрь, «Татар-информ»). Татарстанда кайбер җәмәгать урыннарына, спорт һәм мәдәният оешмаларына бару өчен QR-кодлар кертү мәсьәләләре буенча эшмәкәрләр өчен кайнар линияләр эшли.

Эшмәкәрләрнең сорауларына Татарстан Республикасының Эшкуарлыкка ярдәм фонды белгечләре җавап бирә. Сорауларны +7(843)524-90-90 телефоны аша бирергә мөмкин. Бу хакта Казан мэриясе матбугат хезмәте хәбәр итә.

Шулай ук COVID-19 таралуга бәйле яңа чикләүләр турында «Тикшерелгән бизнес» порталында да белергә мөмкин.