Тукай районында яшәүче 95 яшьлек Мөнәздилә Хафизова сайлауда катнашты

Мөнәздилә әби компьютерда эшли белә, шулай ук «Ак Барс» хоккей командасы җанатары булып тора.

(Казан, 19 сентябрь, «Татар-информ», «Шәһри Чаллы»). Тукай районы Куады авылында яшәүче 95 яшьлек Мөнәздилә Хафизова сайлау участогына барып тавыш биргән. Бу хакта шәһәр басмасы хәбәр итә.

Ул тормыштан зарланмый, Аллаһы Тәгаләнең биргәненә шөкер итеп, илебезнең якты киләчәге өчен тавыш бирде, дип яза басма.

«Мондый мөһим вакыйгадан читтә калып булмый инде», — ди Мөнәздилә үзе.

Моннан тыш, Мөнәздилә әби компьютерда да эшли белә. Аңа авылдашлары «Ак Барс» хоккей командасының искиткеч жанатары буларак та соклана, диелә әлеге хәбәрдә.