Менделеевскида шәһәр көнендә Кәләшләр парады була
Катнашучының гаилә хәле мөһим түгел.
Скопировать ссылку
(Менделеевск, 19 июль, «Татар-информ», «Менделеевск яңалыклары»). 14 августта 15.00 сәгатьтә Менделеевскида, шәһәр көнендә «Менделеевские новости» редакциясе, район ЗАГС бүлеге, «Юность» кинотеатры «Кәләшләр парады-2021» үткәрә.
Кәләшләр парадында теләге булган һәр кыз һәм хатын-кыз катнаша ала. Катнашучының гаилә хәле мөһим түгел, ул кәләш, ул кияүдәге хатын-кыз, әлегә кияүдә җыенмаган кыз булырга мөмкин.
Катнашучы парадка туй күлмәгендә, прическа һәм макияж ясап килергә тиеш.
Проектта катнашучыларны партнерлардан һәм иганәчеләрдән фотосессия, номинацияләр буенча дипломнар һәм акчалата бүләк көтә.