news_header_top
Руc Тат
16+
news_header_bot
news_top
Җәмгыять 19 июнь 2006 13:42

Чаллының мәктәп ашханәләре хезмәткәрләренең санитария кенәгәсе булмаган

Чаллының мәктәп ашханәләре хезмәткәрләренең санитария кенәгәсе булмаган

Скопировать ссылку

(Казан, 19 июнь, «Татар-информ», Альбина Нигъмәтуллина). Узган айда “Яшүсмер-җәмәгать туклануы” чарасы кысаларында ТР Эчке эшләр министрлыгы Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча территориаль Идарәсе, ТР Дәүләт алкоголь инспекциясе вәкилләре белән бергә гомум һәм мәктәпкәчә белем бирү, сәламәтләндерү учреждениеләренең 140 ашханә һәм азык блокларын тикшергән. ТР Дәүләт алкоголь инспекциясе матбугат хезмәте хәбәр итүенчә, тикшерелгән 43 объектта аерым төр тауарларны сату, җәмәгатьчелек туклану хезмәтләре күрсәтү кагыйдәләрен, санитария кагыйдәләрен һәм нормаларны бозу очраклары ачыкланган.

Аерым алганда, Чаллыда 5 гомуми белем бирү учреждениесе тикшерелгән. Бөтен тикшерелгән туклану предприятиеләрендә ашханә хезмәткәрләренең санитария кенәгәсе һәм кулланыла торган азык продуктның сыйфат таныклыгы булмау, тауарларны урнаштыру кагыйдәләре, продуктны саклау шартлары бозылу, 1119 сумлык продуктның срогы чыгу очраклары ачыкланган. Тикшерү материаллары Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Чаллы буенча Идарәсенә административ чаралар күрү өчен җибәрелгән.

ТР Дәүләт алкоголь инспекциясе матбугат хезмәте хәбәр итүенчә, киләчәктә республика шәһәр һәм районнарында балалар һәм яшүсмерләр туклану өлкәсендә тикшерүләр дәвам итәчәк.

news_right_1
news_right_2
news_bot