Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Буа районы делегациясе Кайбыч эшмәкәрләренең эшчәнлеге белән танышты
Колаңгыда урнашкан «СЛ — Молоко» җәмгыятендә алар әлеге объектның гомуми бәясе, ничә төр продукция чыгарулары, аларны сату белән кызыксынды.
(Кайбыч, 19 май, «Татар-информ», «Кайбыч таңнары», Мингазиз Сөнгатуллин). Буа районы башлыгы Ранис Камартдинов җитәкчелегендәге делегация Кайбыч эшмәкәрләрнең эшчәнлеге белән танышырга килде. Аларны район башлыгы Альберт Рәхмәтуллин каршы алды.
Районда дәүләт программаларына нигезләнеп эшмәкәрлекне үстерү буенча максатчан эш алып барыла. Әле күптән түгел районга Татарстан Президенты Рөстәм Миңнеханов килгәч, авыл хуҗалыгы һәм азык-төлек министры Марат Җәббаров Кайбычта кооперативлар эшчәнлеге яхшы оештырылуына басым ясаган иде.
Очрашу Колаңгыда урнашкан «СЛ — Молоко» җәмгыяте белән танышудан башланды. Биредә алар әлеге объектның гомуми бәясе, ничә төр продукция чыгарулары, аларны сату белән кызыксынды. Алар шулай ук киптерелгән витаминлы үлән оны чыгару цехында да булды.
Кошман авылында Рушан Сайрановның чебиләр үстерү фермасын да карадылар. Корноуховода «Кайбыч сөте» сөт кабул итү пункты эшчәнлеге белән дә таныштылар.
Мәлкидәге сугым цехын караганнан соң, Чүтидәге «Йолдыз» кооперативына юл алдылар. Казылык һәм башка бик күп төрле ризыклар җитештерүче әлеге цех буалыларда кызыксыну уятты. Олы Подберезьедагы җир эшкәртү, игенчелек музей-комплексын да сокланып карадылар.
Кызыклы яңалыкларны күзәтеп бару өчен Телеграм-каналга язылыгыз