Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан мәктәпләрен хәләл ризык белән тәэмин итәргә җыеналар
Азык-төлек белән тәэмин итүчеләр хәләл шартларын үтәгән очракта, аларга бушлай сертификат бирелергә мөмкин.
(Казан, 19 март, «Татар-информ»). «Бердәм Россия» партиясенең Башкортстан төбәк башкарма комитетында мәктәптә туклануны оештыру буенча түгәрәк өстәл булды. Анда Башкортстан мөселманнары Диния нәзарәте мөфтие мәктәпләрдә балаларне хәләл ризык белән тәэмин итү программасын тәкъдим итте.
Башкортстан мөселманнары Диния нәзарәте каршындагы «Хәләл» индустрияне үстерү үзәге җитәкчесе сүзләренчә, продукция белән тәэмин итүчеләр хәләл шартларын үтәгән очракта, алар бушлай сертификат бирергә әзер. Бу турыда Россия Мөфтиләр шурасы матбугат хезмәте хәбәр итә.
Болай эшләү төшке ашның бәясен күтәрмичә генә хәләл ризыкка күчү мөмкинлеге бирәчәк.
«Бердәм Россия» партиясенең Башкортстан төбәк башкарма комитеты җитәкчесе Рөстәм Әхмәдинуров бу мәсьәләне хәл итүдә ярдәм итәргә әзер булуын әйтте.
«Без кайбер мәктәп ашханәләрендә сынау режимында хәләл ризык белән тәэмин итүне кертергә әзер. Без муниципалитетлардан тәкъдимнәр көтәбез», — диде ул.
Комиссия балаларны хәләл ризык белән тәэмин итүнең мөһим булуын әйтте һәм түгәрәк өстәлдә катнашучылар тәкъдимнәрен эшкәртүгә алды.
«Тиздән республика мәктәпләрендә укучылар хәләл ризык белән тәэмин ителүгә өметләнәбез», диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз