Өлкәннәр поликлиникаларга сирәгрәк йөри башлаган

Әмма биш ел эчендә хастаханәдә ятучы өлкәннәр саны 7,5 процентка арткан.

(Казан, 19 февраль, «Татар-информ»). Бер ел эчендә табибка килүче өлкәннәр саны чирек тапкыр кимегән. Аның каравы, стационарда дәваланучылар саны арткан. Экспертлар әлеге хәлне медицина ярдәме алу мөмкинлеге кимү белән аңлата. Өлкәннәргә белгеч-табибка эләгүе кыен, нәтиҗәд,ә чир инде амбулатор дәвалаудан узган була.

2015 елда табибка килүче өлкәннәр саны 2011 ел белән чагыштырганда 26,3 процентка кимегән. Шул ук вакытта алар арасында хастаханәдә ятучы өлкәннәр саны 7,5 процентка арткан. “Сәламәтлек” фондының бәйсез мониторинг экспертлары әлеге нәтиҗәне Дәүләт статистика федераль хезмәте мәгълүматларына таянып ясый.