Сарманда беренче тапкыр креатив чаналар фестивале узды

Барлыгы утыздан артык команда катнашты.

(Сарман, 19 гыйнвар, «Татар-информ», «Сарман»). Сарманда креатив чаналар фестивале узды. Әлеге чара районда беренче тапкыр уздырыла һәм ул зур бәйрәм төсен алды. Бу турыда район басмасы хәбәр итә.

Районның оешмалары, авыл җирлекләре командалары — барлыгы утыздан артык команда, төрледән-төрле чаналар ясап, Үзәк ял паркында ясалган таудан шууда ярышалар.

Кызыклы чыгышлар, дәртле җырлар һәм биюләр фестивальне тагын да күңелле итә.